Cuidados anticonceptivos
CONDÓN X+KA PEKAHEXEIYANI HAWAIK+…MUIXA KENEUTAINENI: HAWAIK+, HAWAIK+, HAWAIK+, HAWAIK++++++++++.
Estrategia Nacional para la Prevencion del Embarazo en Adolescentes kanikuxatani ‘ena México waniu ‘+imarixi 340 mil meyupa+met+ 19 witari het+a meheuyumait+kait+ mekanitiniweyatani. ‘Ukitsi 15% hepa+na ‘ukari 33% tixa+t+k+ mep+kateuyutah+i ke pauka mat+ari memuyuyetua.
Ke ‘aku, tame “condones” tekaniy+aka ‘ena tekaniu’uwani tematsitah+nik+, yémek+ 85 % ‘aix+ tekaniuy+t+kani
¡‘AYUMIEME TEKANIUYUTATEXIEWENI!, X+ka ri peuyutawa+riya xeime mat+a pekahunike, x+ka tixa+t+ pekarexeiyani tame yeme tekatenayu’íwani.
Yat+t+, xeime mat+a ’ukahume kayuh+t+ m+pa+ kara’eriwat+ mutihukatá xeik+a kakatinakuneikani. ‘Ena tematetaxat+ani pemeiti’eniet+yanik+: xeime mat+a x+ka pe’ukahuni PEKA’ah+t+ (tats+ ri condon pekahexeiyat+) kwíniya matsimieweme pekaniu’in+iweni.
Tsepá ‘ahepa+ mem+ka’anene yat+ni ‘ahepa+ mem+’anene mematsinake pey+aneni, tixa+t+k+ m+tiyuh+ka p+kaheuyewekaní ‘ek+ pem+’a’+wíyanik+ tsiere ke’ane pem+kuh+awe, (¡YURI TS+ MATSI x+ka ke m+‘ane pem+kuh+awe peka’imaiká!). X+ka ‘atukari pex+amayaka pep+ramaiká ‘ek+ XEIK+A ‘ahetsie katinakaaní pem+’a’+wíyani, xewit+ p+kay+aneni ‘ek+ xe+ka ‘aheimá pakaninuákam+k+, ‘ayumieme keneitimait+yeikani,, ‘ipa+ condón katinihat+ariwani:
Como podrás observar, la respuesta sexual femenina difiere de la masculina.
La respuesta sexual está compuesta por cinco etapas: deseo, excitación, meseta, orgasmo y resolución.
Y para que no te falte información, aquí tienes Links de consulta:
Así se pone un condón femenino.
Así se pone un condón masculino.
NIT+MA condón hutarieka pem+kakuma+wani.
Xatsita keneukawíwi, baño yat+ni tsepá hakiewa pep+ka’itawiwiwani.
Nemikuh+awe hamat+ana nem+kahuní tekayuh+t+ wa+ríyarika kaneni‘ait+aka… ne ta kwínie ne(rei)yeh+wá…
Nixewit+ yuri matseuyeh+at+ p+kay+we tixa+t+ “wa+ríyarika mati’ait+aka” matsikweriwayuriet+. Tsepá matsekukwine, m+k+ tewi keneuháyewa. Coronavirus pemexeiyani hepa+ pekatineiyeh+aká.
¿Pem+’akweriwayurieka matinake xeime mat+a petikahuní peka’ah+t+?
Kets+ ‘a+m+ ‘ek+ts+ pekaniy+aném+k+, méxixi kwíniya mayehú ke nexeiyamíe pemeitimaix+anik+ petiuka’eniwat+ ‘atukari ke muy+we:
Muyunewa tsiere kaniy+weni.
X+ka pe’anewat+ pe’ayeim+k+ x+ari ts+ y+k+ pekatinitixatsiem+k+, matsipait+ ‘ena hik+ siglo 21 ‘umiékaku yatemate’ah+awe kename meripait+ ke m+tiutainekai yaxeik+á te’utiyuane pekatiniu’eriweni. Katiniyurit+ni kutá, x+ka yémek+ xeime mat+a pekaheuhuim+k+ni, kakaniwa+ríyarikat+ni m+pa+ pem+y+aneni. Ke netimaix+aka, muyunewa tsiere kaniy+weni.
‘Ek+ ts+ pekaniy+aném+k+.
Wa+ríyarika xewit+ p+kamatsi‘ait+aka tsepá humapai ke tiutaine pep+kawa’enieka. Ke pauka ‘ak+mana m+pa+ peti’erieme xeime mat+a pe’ukahup+t+ pemayaní pep+karat+mamaiyani “ginecóloga” hets+a meri pekanimieni pem+rakumaikak+ ke pa+ ‘uaye m+ka’utihukatak+ m+ti’+tire; tsepá net+ “link” ‘ena tematsihayewirieni ‘ik+ tikuxatat+. ‘Ena m+raxaxatsiwak+ teyu’uat+wamete wahets+a heuyu’aitamieme ke m+tiutah+awarieni waniuki h+xie muyeyeyani kakaniy+weni.
